YUKAKRİL AKRİLİK FASAD BOYASI - Su Əsaslı astar və boyaları

Məhsul haqqında: Akrilik kopolimer emulsiya əsaslı, ekstra mat görünüşlü xarici cəbhə boyasıdır.

Xüsusiyyətləri: İstifadə olunduğu səthə möhkəm yapışır, çatlamaz, qopmaz və solmazdır. Yağış, nəm, günəş şüaları kimi hər cür hava şəraitinə qarşı olduqca dözümlüdür.

Tətbiq sahəsi: Binaların xarici və daxili hissələrində, beton, gips və başqa köhnə və yeni səthlərdə istifadə edilir.

Tətbiqi: YUKAKRİL istifadə etməzdən əvvəl səth yağ, toz və qum kimi maddələrdən tamamilə təmizlənməlidir. Yeni suvanmış səthlərdə 21 gün (20°C-də) suvağın tam quruması gözlənməlidir. Lazım gələrsə, səthdə olan çuxur və çatlar YUKAEXPAS məcun ilə düzəldilməlidir. Səth YUKAPRIMER astar ilə astarlanandan sonra YUKAKRİL istifadə olunur. Boya 10-15%-ə qədər su ilə incəldilərək fırça və ya rulo ilə ikiqat şəkildə vurulur. Qatlar arası 4-6 saat gözlənir. Tətbiq zamanı səth və mühit temperaturu 5°C-30°C arası, nisbi rütubət 80%-dən aşağı olmalıdır. Səthin əmiciliyinə bağlı olaraq 1 kg YUKAKRİL boya ilə 5-10 m² səth 2 qatda boyana bilir. Boyanı 2 qat tətbiq etmək tövsiyyə edilir.

Saxlanma şərtləri: Birbaşa günəş işığı düşməyən yerdə, temperatur 0°C-dən aşağı və +35°C-dən yuxarı olmayan mühitdə orijinal qablarda qapağı bağlı şəraitdə saxlanmalıdır. Saxlama müddəti qablaşdırmanın üzərində olan istehsal tarixindən başlayaraq 2 ildir.

Qablaşma şəkli: 3.5 kg, 10 kg, 25 kg.